Смала

Паляванне на беларускі бурштын

 

Настаў час залатой восені. Дрэвы пачалі набываць жоўтыя ды чырвоныя адценні… 
Але ўвосень у прыродзе адбываецца і шмат іншых цікавых зменаў. Напрыклад, пачынаюць “плакаць” слівы. Гэта адна з найпрыгажэйшых з’яваў прыроды. 

Зараз кожны, хто мае мабільны тэлефон, можа сфатаграфаваць такую цікавую восеньскую праяву ды падарыць імгненне гэтай прыгажосці людзям. Вось мой падарунак чытачам Naviny.by — слёзы сліў, якія я зняў летась у “Месцы спыненага часу”.

Узімку маразы панішчылі гэты цуд. Але ўсё паўторыцца. Вось-вось выпырснуць дрэвы новымі слязінкамі тутэйшага жывога бурштыну. 

Калісьці я быў здзіўлены, што еўрапейцы з розных куткоў Эўропы едуць у Беларусь, каб паслухаць кваканне нашых жаб. Сядаюць у крэслы па краях балотаў і слухаюць усю ноч. Але ж мы маем і іншыя прывабнасці. 

Вось бы правесці фотавыставу “слёзаў” слівы! Для пачатку хаця б у інтэрнэце. Было б цікава пабачыць і вашыя фотаздымкі беларускага бурштыну. 

Читать полностью: http://naviny.by/rubrics/opinion/2014/09/27/ic_articles_410_186969/